Aste Santua ate joka da dagoeneko, eta Gaztezuloko kideek hainbat ekitaldi antolatu dute herriko gaztetxoentzat.
LH 4-6 arteko gazteentzako, esaterako, irteera antolatu dute Galaxi Parkera, apirilaren 6rako.
Beste alde batetik, Euskal Itsas Ondarea ezagutzeko irteera antolatu dute DBH1-4 adin-tarteentzat, apirilaren 8rako.
Azkenik, Gazte Ekintzaile Taldeak (GET) hirugarren ekintza bat antolatu du Pazko Asterako. Apirilaren 9an Olinpiada eguna egingo dute LH5-DBH2 tarteetako gaztetxoei zuzenduta. Izen-emateak Whatsapp bidez edo modu presentzialean egin ahal izango dira.