Udalak "Oporretan Euskaraz" udaleku irekietarako eta Gaztezuloko koordinatzaile eta begiraleen lan-poltsa osatzeko deialdia zabaldu du. Hautaketa-prozesua merezimenduen balorazio-lehiaketa bidez egingo da, eta izena emateko epea apirilaren 10ean amaituko da.

Hautagaiek aisialdiko monitore titulua izan beharko dute eta B2 euskara maila egiaztatu. Halaber, talde-dinamika proba eta elkarrizketa egingo dira, hautagaien trebetasun sozialak, talde-lana, arazo-konponketa gaitasuna eta lidergoa neurtzeko. Prozesu hori kanpo enpresa espezializatu batek kudeatuko eta baloratuko du. 

Izen-emateko moduak:

1. Aurrez aurre, Zizurkilgo Udalaren erregistro-zerbitzuan (Teodoro Hernandorena 6 eta Ernio bidea 9A behea, Zizurkil) aurkeztu beharko dute eskabidea, astelehenetik ostiralera, 9:00etatik 14:00etara.
2. Posta bidez. Eskaerak gutun-azal irekian aurkeztu behar dira postetxean, eta bertako langileek zigilua eta data jarri beharko dituzte eskaeraren aurkezpen-epearen barruan.
3. Online, Zizurkilgo Udalaren webgunean (www.zizurkil.eus).

• Online bidez izen-emateko prozedura:
  • Aurkeztu beharreko dokumentuak eskaneatu.
  • Sartu www.zizurkil.eus webguneko “Egoitza elektronikoa” atalera eta klikatu “Denak”.
  • Behera egin “Oporretan euskaraz: Begiraleen hautaketa” topatu arte. Ondoren, sakatu “ikusi” botoia. 
  • “Tramitazio elektronikoa” atalean, klikatu “Tramitazio elektronikoa hasi”.
  • Jarraitu prozesua amaierara iritsi arte.

Egin klik hemen deialdiaren xehetasun guztiak ezagutzeko.