Zizurkilgo Udalak komunikazio-bideak zabaldu ditu, udal-kudeaketa herritarrengana gehiago hurbiltzeko asmoz. Aurrerantzean, herritarrek Instagram kontua eta WhatsApp kanala jarraitzeko aukera izango dute, herriko informazio eta ekitaldien berri izan dezaten. 

"Herritarrekin komunikazio zuzena eta azkarra izatearen garrantzian sinisten dugu. Horregatik, udal informazioa modu eraginkorrean eta denbora errealean eskaintzea ahalbidetzen duten kanal berri hauek abiarazi ditugu," adierazi du Maite Amenabar alkateak. "Hurbiltasuna eta gardentasuna dira gure kudeaketaren funtsezko zutabeetako bi. Instagram eta WhatsApp kanalaren bidez, herritarrengandik gertuago egon nahi dugu, unean behar duten informazioa egungo plataformen bitartez eskainiz."
Bi kanal horiekin, Zizurkilgo Udalak komunikazio zuzen eta gardenarekiko duen konpromisoa berresten du. 

• Instagram: @zizurkilgoudala
• WhatsApp: Zizurkilgo Udala

Jarrai gaitzazu kanal berrietan eta izan, uneoro, Zizurkilen gertatzen den guztiaren berri!