Udaleku irekietan begirale edo koordinatzaile gisa eta Gaztezuloko errefortzuko begirale gisa izena emateko deialdiak zabalik dira. Apirilaren 7tik apirilak 28ra bitarte egongo da zabalik lan-poltsan sartzeko aukera, eta udalean aurrez aurre zein Zizurkilgo Udalaren egoitza elektronikoaren bidez izena eman daiteke.  

Honako baldintza hauek bete behar dira lan-poltsan sartzeko: 

• 18 urte beteta izatea eta nahitaezko erretiro-adina ez gainditzea.
• B2 euskara eskakizuna egiaztatzeko ziurtagiria izatea.
• Sexu-izaerako delituengatik aurrekaririk ez izatea.
• Haur eta gazteen aisialdiko begiralearen edo zuzendariaren titulu homologatua izatea.

Gainera, elkarrizketa-talde dinamika gainditzea ere beharrezkoa izango da, eta proba horixe maiatzaren 15ean egingo da.

Bestalde, aurkeztu beharreko dokumentuak honako hauexek dira: 

• Nortasun-agiria
• Begirale-titulua edo zuzendari-titulua
• Euskarako B2 ziurtagiria (maila handiagoa izanez gero, hura aurkez dezakezu)
• Sexu-delituen 2026ko ziurtagiria

Merezimenduen balorazio-lehiaketa izango denez, merezimenduetarako aintzakotzat hartzea nahi den gainerako agiri guztiak ere aurkeztu beharko dira: ikasketa-agiriak, ikastaroak, lan-esperientzia, uneko egoera…