Donostia Cup txapelketa entzutetsua jokoan da egun hauetan, eta Zizurkilgo Danena futbol zelaiak hainbat partida hartu ditu aste honetan zehar. Gaur ere izango da hainbat paridaz gozateko aukera.

Bi euskal talderen arteko lehia hasiko da 12:00etan. Antiguoko Ke eta Tolosa CF. G14 Europa League-ko finalaurrekoa dute jokoan bi taldeek.

13:15etan, Zeneta La Villa CF eta Santa Ana EF taldeak lehiatuko dira eta 15:30etatik aurrera, Set11 Catalunya A eta Brain Football B taldeen arteko norgehiagoka izango da jokoan.

Giro ederra sortzen da partiden inguruan, jokalari gaztetxo eta haien zaleei esker.

Futbolaz gozatzeko gogoa duenak, aukera bikaina du egunotan Danena futbol zelaian.