Abiadura Handiko Trenaren obrako langile baten heriotzari buruzko adierazpen instituzionala

Asteartean, 2018ko urriaren 2an, Zizurkil, Aduna eta Andoain artean egiten ari diren Abiadura Handiko Trenaren obran, langile bat hil zen. Hori dela eta Zizurkilgo Udalak hau adierazi nahi du:

 

1.- Zizurkilgo Udalak atsekabea agertzen du atzo izandako langilearen heriotzagatik. Doluminak helarazi nahi dizkie hildako langile horren familiakoei eta lagunei.

2.- Zizurkilgo Udalak adierazten du prebentzio neurri guztiak hartu behar direla lan-istripuak saihesteko, edozein lan motatan laneko segurtasuna lehentasunezko helburua izan behar delako.

3.- Zizurkilgo Udalak berretsi nahi du pertsonak direla gure herriaren garapenerako gakoa, eta garapen ekonomiko eta sozialaren oinarriak eta zutabe nagusiak. Hori dela-eta, ezinbestekotzat jotzen du lan-osasunari eta lan-segurtasunari buruzko ekimenak bultzatzen jarraitzea, eta lan arriskuen prebentziorako arauak bete daitezen exijitzea. Horiek horrela, lan arriskuak prebenitzea eskatzen die, bai enpresa-arloari, lan-segurtasunari eta osasunari buruzko araudia zorrotz betetzea eskatuz eta exijituz.

4.- Zizurkilgo udalak, eragile sindikalek deituko dituzten mobilizazioekin bat egiten du.

 

 

Zizurkil, 2018ko urriaren 3an

Webgune honek cookie-ak erabiltzen ditu zure esperientzia ahalik eta hoberena izan dadin. Nabigatzen jarraitzen baduzu, cookie hauen erabilera onartzen ari zara.">Pribatasun politika.

Web orri honetako cookie-ak onartzen ditut.